| Len Pennie | |
|---|---|
| Born | 1999 (age 24–25)[1] |
| Thrift | poet, leid activist, social media personality |
| Leid | Scots |
Len Pennie is a Scots poet an social media personality kent maistly for her darg in forderin the Scots leid online. Pennie wis gart kenspeckle efter her poem, "I'm no havin children" gaed viral on Twitter.[2]
Pennie is weel-kent for her "Scots wird o the day" on Twitter that ettles at learnin fowk mair anent the Scots leid. In the hinnerpairt o 2020 efter a gey wheen o internet trolls ettlelt at dingin Pennie an her leid wark doun wi misogynist flytin, Pennie wis heezit up bi the likes o scriever Neil Gaiman, comedian Janey Godley, an playwricht David Greig.[2]
In December 2020, Pennie wis ane o five Scots poets wale't tae scrieve poesy anent the Scots tradition o lang syne, "The Daft Days" (the twalve days atween Christenmas an the 5t o Januar) bi the supermercat Lidl.[3][4]
Pennie haes screivit for the Times Educational Supplement anent hou tae yoke bairns in the schuil til the Scots leid.[5]
- ↑ Hay, Katherine (20 October 2020). "'They went absolutely mad for it' - Scottish poet overwhelmed by online response to her latest Scots poem". The Scotsman (in Inglis). Retrieved 4 Januar 2021.
- ↑ a b Hay, Katherine (18 December 2020). "'It's embarrassing to witness' - Top Scottish playwright condemns trolls for 'misogynistic' comments towards Scots poet". The Scotsman (in Inglis). Retrieved 4 Januar 2021.
- ↑ Erskine, Rosalind (2 December 2020). "Fife poet part of Lidl's 'daft days of Christmas' campaign". www.fifetoday.co.uk (in Inglis). Retrieved 4 Januar 2021.
- ↑ Callaghan, Jamie (2 December 2020). "Fife poet's 'The Fleetin' Daft Days' poem helps kick off Christmas countdown". www.fifetoday.co.uk (in Inglis). Retrieved 4 Januar 2021.
- ↑ Pennie, Ellen. "4 top tips for using Scots language in the classroom". Tes (in Inglis). Retrieved 4 Januar 2021.